Bon Nadal 2008 dal PNV

Ricevo e pubblico con tanto affetto...Durante questo 2008, che sta per andare via,fra questo blog e gli amici del Partito Nazionale Veneto è nata una fraterna vicinanza,internazionalitaria-

Auguri agli amici del Pnv e al Popolo Veneto!

Orazio Vasta

Un àno longo el xe squaxi pasà e Nadal da novo el xe rivà, a portarne gioia e serenità.
Grasie de cuor a chi che in sti mexi gà suportà ła Cauxa Veneta co l’asion, col pensiero, col’afeto, coła stima e coła speransa che ne fa Veneti ogni dì pì libari.
El 2008 el xe sta un àno un mucio inportante, chel gà visto conpiar dei pasi decixivi par ła conquista deła nostra sovranità.

El 2008 el xe sta in particolar l’àno deła nasita del Partito Nasional Veneto e deła nova połitica veneta alternativa a na politica tałiana buxiara e cativa, che se merita sol che carbòn.
El Partito Nasional Veneto augura donca a tuti quanti, visini e lontani, un Nadal pien cargo de amor e gioia e un 2009 gioioxo che ne portarà ancora pì visini ała nostra indipendensa e fełisità.
Semo tuti consapevołi chel momento el xe difisiłe par ła nostra vita de ogni dì, par ła nostra tranquiłità economica, par el nostro lavoro, par el nostro futuro.
Nuvołe cariche de preocupasion łe gira sora łe nostre teste, ma naltri dovemo ver ła forsa de saver apresar un momento de gioia e serenità familiar che sti dì de festa ne dà.
E dovemo saver che ogni momento de ris-cio el se porta drio anca dele oportunità straordinarie de canbiamento pal mejo.
Par naltri Veneti insieme l’oportunità e el canbiamento se ciamarà apunto indipendensa.

E co l’indipendensa, ła libertà, ła giustisia, ła felicità.
Bone Feste a tuti valtri e ale Vostre Fameje!
Partito Nasional Veneto