MACARI di Turi Lima
Macari ca mi dati oru zicchinu
e mi faciti prìncipi ndianu,
sceiccu, gran pascià o mannarinu,
suvranu d l' imperu pirsianu,
o capu di lu regnu saracinu,
o re assolutu di lu munnu sanu,
ju vi mannassi a lu vostru distinu (*)
pirchì vogghiu ristari sicilianu.
(*) Tra tutti li dialetti siciliani sulu lu missinisi usa la forma cundiziunali (vi mannirìa a lu vostru distinu), mentri la Koinè obbliga lu congiuntivu pi tutti li dui formi.
Nessun commento:
Posta un commento