"...a sta patria ci dugnu lu me ciatu"

*********************
Nella foto:il poeta siciliano TURI LIMA,fondatore della radio "Antenna Trinacria",rendeva omaggio al cippo di Randazzo,alle porte dell'Etna,dove, il 17 giugno 1945 ,trovarono, in una vile imboscata dei carabinieri dell'Italia del CLN, la morte tre combattenti dell'EVIS-Esercito Volontario Indipendentista Siciliano-fra cui lo stesso comandante ANTONIO CANEPA,noto come "Mario Turri"... ***********************************

LA ME PATRIA di Turi Lima
La me patria è sta terra ca mi fici,
unni jittài lu primu lamentu,
unni l' aceddi vòlanu filici,
unni chiù chiaru è lu firmamentu.
La me patria su' st' àrvuli ciuruti;
stu mari azzurru, lìmpidu e lucenti,
li glòrii di li sèculi pirduti,
è Mungibeddu ccu lu focu ardenti.
La me patria è la fami, è lu duluri
di stu pòpulu sempri marturiatu,
sunu li peni, sunu li turturi
e li làcrimi amari c' ha' jittatu
sutta la mmorsa di lu sfruttaturi:
e a sta patria ci dugnu lu me ciatu.